பெட்ரோல் விலை குறைகிறது!!

பெட்ரோல் விலை குறைக்கப்படும் என்று மத்திய அமைச்சர் வீரப்ப மொய்லி தெரிவித்துள்ளார். இது குறித்து செய்தியாளர்களுக்கு பேட்டியளித்த அவர்,  கச்சா எண்ணெய் விலை சர்வதேச சந்தையில் குறைந்திருப்பதால் பெட்ரோல் விலை குறைக்கப்படும் என்றார். ஆனால் எந்த தேதியில் இருந்து என்பதை கேட்க வேண்டாம் என்று அவர் கேட்டுக் கொண்டார். அதே நேரம் டீசல் விலையில் மாற்றம் இல்லை என்றும் அவர் கூறினார். பாராளுமன்ற தேர்தல் வருவதால் மத்திய அரசு பல சலுகைகளை அறிவிக்க ஆரம்பித்து விட்டது. மத்திய அரசு ஊழியர்களுக்கு 7 வது சம்பள கமிஷன் அமைக்கப்படும் என்று நேற்றுமுன்தினம் அறிவித்தது. இதனால் மத்திய அரசு ஊழியர்கள் மகிழ்ந்து போனார்கள். இப்போது பெட்ரோல் விலை குறைக்கப்படும் என்கிறது மத்திய அரசு. தேர்தல் வந்தால் எல்லா சலுகைகளும் தானாக வரும் போலும்.