மே 3 முதல் நாடு முழுவதும் செல்போன் எண் மாற்றும் வசதி.....

செல்போன் பயன்படுத்துவோர் நாடு முழுவதும் எங்கிருந்து வேண்டுமானாலும் தங்களது எண்ணை மாற்றிக் கொள்ளலாம். இந்த வசதி மே 3-ம் தேதி முதல் அமலுக்கு வருவதாக தொலைத் தொடர்பு ஒழுங்குமுறை ஆணையம் (டிராய்) தெரிவித்துள்ளது.

தற்போது செல்போன் வாடிக்கையாளர்கள் தங்களது செல்போன் எண்களை அந்தந்த தொலைத் தொடர்பு வட்டாரங்களுக்குள் மாற்றிக் கொள்ள அனுமதிக்கப்படுகின்றனர்.

இனி நாடு முழுவதிலும் இத்தகைய வசதி கிடைக்கும். இதனால் வாடிக்கையாளர்கள் ஒரே எண்ணை தக்க வைத்துக் கொண்டு விரும்பிய செல்போன் சேவை நிறுவனங் களுக்கு மாற முடியும்.

உதாரணமாக சென்னையிலிருந்து ஒருவர் மாற்றலாகி டெல்லிக்குச் சென்றால் அவர் தனது பழைய மொபைல் எண்ணை அப்படியே வைத்துக் கொண்டு டெல்லியில் உள்ள செல்போன் சேவை நிறுவனத்தின் சேவையைப் பெறலாம்.

இது தொடர்பாக டிராய் வெளியிட்டுள்ள அறிக்கையில், தொலைத் தொடர்பு எண் மாற்றும் வசதி தொடர்பான சட்டம் 2009-ன் அடிப்படையில் முழுவதுமான எண் மாற்றும் வசதி (எம்என்பி) நாடு முழுவதும் மே 3-ம் தேதி முதல் அமலாகிறது என்று குறிப்பிட்டுள்ளது.

கடந்த நவம்பர் 3-ம் தேதி தொலைத் தொடர்புத்துறை செல்போன் எண் மாற்றம் (எம்என்பி) தொடர்பான விதிமுறையை வெளியிட்டது. இது 6 மாதங்களில் நடைமுறைப்படுத்த வேண்டும் என்றும் குறிப்பிட்டிருந்தது. இது மே 3-ம் தேதி முதல் அமலுக்கு வருகிறது என்று டிராய் தெரிவித்துள்ளது.

மூத்த தியாகியான ஐ மாயாண்டிபாரதி மறைவுக்கு ஆழ்ந்த இரங்கல்......

தமிழகத்தின் மூத்த தியாகியான ஐ மாயாண்டிபாரதி நேற்று இரவு காலமானார். அவருக்கு வயது 98. பொதுவுடைமைவாதியாகத் திகழ்ந்த மாயாண்டி பாரதி, நாட்டின் விடுதலைக்காக பலமுறை சிறை சென்றவர். பல ஆண்டுகள் பத்திரிகைத் துறையில் உழைத்தவர். மதுரை கிரானைட் முறைகேடுகளை வெளிக் கொணர உதவியவர். மதுரையில் 1917-ம் ஆண்டு பிறந்த மாயாண்டி பாரதி, பத்தாம் வகுப்பு வரை படித்தவர். அந்தக் காலத்தில் அது உயர்ந்த படிப்பாகும். மாயாண்டி பாரதி 1939-ம் ஆண்டு காங்கிரஸில் இணைந்தார். பின்னர் 1940 ஆம் ஆண்டு இந்து மகாசபையில் இணைந்து ராமநாதபுரம் மாவட்ட அமைப்புச் செயலாளராக இருந்தார். அப்பொழுது சாவர்க்கரை மதுரைக்கு அழைத்து வந்தார். இரண்டாம் உலகப் போருக்கு ஆள் சேர்ப்பதை எதிர்த்து நடந்த போராட்டத்தில் பங்கேற்றதற்காக 1940ஆம் ஆண்டில் கைது செய்யப்பட்டு திருவில்லிபுத்தூர் சிறையில் அடைக்கப்பட்டார். 1942ஆம் ஆண்டில் விடுதலை பெற்ற அவர், வெள்ளையனே வெளியேறு போராட்டத்தின்பொழுது பாதுகாப்புக் கைதியாக மீண்டும் சிறையில் அடைக்கப்பட்டார். 1943ஆம் ஆண்டில் வெளியே வந்த அவர் மீண்டும் கைது செய்யப்பட்டார். மாயாண்டி பாரதி சிறையில் இருந்தபொழுது, இந்து மகா சபையினர் அவரிடம் இரண்டாம் உலகப் போர் எதிர்ப்பு நடவடிக்கையில் இனி ஈடுபடுவது இல்லையென மன்னிப்பு கடிதம் எழுதி அரசுக்குக் கொடுத்துவிட்டு விடுதலை ஆகும்படி கூறினர். மாயாண்டி பாரதி அதற்கு ஒப்புக்கொள்ளாமல் இந்து மகா சபையிலிருந்து விலகினார். போர் எதிர்ப்புக் கைதியாக 1941 ஆம் ஆண்டில் கோயமுத்தூர் சிறையில் இருந்தபொழுது பொதுவுடைமைத் தலைவர்களுடன் ஏற்பட்ட தொடர்பால், கம்யூனிஸ்ட் கட்சியில் இணைந்தார். 1942 -ல் மதுரையில் இந்திய பொதுவுடைமைக் கட்சியின் செயலாளர் ஆனார். 1942 ஆகஸ்ட் மாதம் நடைபெற்ற ஆகஸ்ட் புரட்சியில் கலந்துகொண்டதால் மீண்டும் சிறையில் அடைக்கப்பட்டார். திரு.வி. க. ஆசிரியராக இருந்த நவசக்தி இதழில் துணையாசிரியராகப் பணியாற்றினார். 1944ஆம் ஆண்டு சென்னைக்குச் சென்று 1964 ஆகஸ்ட் 15 ஆம் நாள் வரை ஜனசக்தியில் துணையாசிரியராகப் பணியாற்றினார். பின்னர் 1966 ஆம் ஆண்டு முதல் தீக்கதிர் இதழில் துணையாசிரியராகப் பணியாற்றினார். 1990 ஆம் ஆண்டில் அவ்விதழிலிருந்து ஓய்வு பெற்றார். 1991 ஆம் ஆண்டிற்குப் பின்னர் மாயாண்டி பாரதி தீவிர அரசியலிலிருந்து ஓய்வு பெற்றார். இந்திய விடுதலைக்குப் பிறகு சமூகப் பிரச்சனைகளுக்காக பல போராட்டங்களை நடத்திய மாயாண்டி பாரதி, தள்ளாத வயதிலும் முதுமையைப் பொருட்படுத்தாமல், மதுரை மாவட்டத்தில் நடைபெற்ற கிரானைட் ஊழலை வெளிக்கொண்டு வருவதற்காகப் போராடினார் என்பது குறிப்பிடத்தக்கது. 

TTA இலாக்காத்தேர்வு ......

+2 கல்வி தகுதிக்கு பதில் ஒரு பொதுவான  தேர்வு பற்றிய ஆலோசனை ,கோரிக்கை என்ன நிலை உள்ளது  மத்திய சங்கம் கவனிக்குமா ......மாநிலசங்கம் முயற்சி எடுக்குமா ...... 

TTA இலாக்கா போட்டித் தேர்வை நடத்துவதற்கு
 மாநில நிர்வாகங்களை டெல்லி தலைமையகம் கேட்டுக்கொண்டுள்ளது.

07/03/2015க்குள் தேர்வு பற்றிய அறிவிப்பு வெளியிடப்படும்.

07/06/2015 அன்று நாடு முழுக்க தேர்வு நடைபெறும்.


தேர்வு நடந்த 3 மாதங்களுக்குள் 07/09/2015க்குள் முடிவுகள் வெளியிடப்படும்.

தமிழ்மாநில செயலருக்கு வேண்டுகோள் .....!

பவர் பிளண்டில் வேலை செய்பவர்களுக்கு ,இரண்டு ஆண்டுகளாய் , பவர் ஷு...
மறுக்கப்படுகிறது , மாவட்ட செயலர் ,நிர்வாகம் கூறுவதை, வாந்தி எடுக்கிறார் 
உத்தரவு இல்லை என்கிறார் . தோழர்களின் உயிர் பாதுகாக்க .உபகரணம் தேவை .நடவடிக்கை தேவை ......

மீத்தேன் வாயு திட்டத்தை கைவிடக்கோரி......தஞ்சாவூரில் நடைப்பெற்ற தார்ணா போராட்டம்..........

சென்னை ,தமிழ்நாடு NFTE(BSNL), தொழிலாளர் கல்விமையம் ,NFTCL
அமைப்புகளின் சார்பாக ,500 க்கும் மேற்ப்பட்ட தோழர்கள் பங்கேற்ற தோழர் ,C K மதிவாணன் தலைமை தாங்கிய ,மீத்தேன் வாயு திட்டத்தை கைவிடக்கோரி மாபெரும் தொடர் முழக்க போராட்டம் .தஞ்சை மண்ணை அதிரவைத்தது ....