மீண்டும் இன்று பேச்சுவார்த்தை!!!

சென்னையில் உள்ள என்எல்சி மண்டல தொழிலாளர் நல ஆணையாளர் அலுவலகத்தில் இன்று (மே 22) பேச்சுவார்த்தை நடக்கிறது.


நெய்வேலி என்எல்சி ஒப்பந்த தொழிலாளர்கள் பணி நிரந்தரம் உள்ளிட்ட பல கோரிக்கைகளை வலியுறுத்தி கடந்த மாதம் 21ஆம் தேதி முதல் வேலை நிறுத்தத்தில் ஈடுபட்டுள்ளனர்.

கோரிக்கைகளை வலியுறுத்தி ஒப்பந்த தொழிலாளர்கள் மறியல், உண்ணாவிரதம் உள்பட பல போராட்டங்களை நடத்தினர். பிரச்சினைக்கு தீர்வு காண பலமுறை பேச்சுவார்த்தை நடந்தது. எனினும் சுமூக முடிவு ஏற்படவில்லை.

அதையடுத்து இன்று மீண்டும் பேச்சு வார்த்தை நடைபெறும் என்று அறிவிக்கப்பட்டது. அதன்படி சென்னையில் உள்ள மண்டல தொழிலாளர் நல ஆணையாளர் அலுவலகத்தில் இன்று பேச்சுவார்த்தை நடக்கிறது.